لاہور(نیوزرپورٹر) وزیراعلیٰ محمد شہبازشریف نے صوبائی وزیر سید ہارون احمد سلطان بخاری اورممبر قومی اسمبلی سید باسط علی سلطان بخاری کے والد اور سابق پارلیمنٹیرین سید عبداللہ شاہ بخاری کے انتقال پر گہرے دکھ اور افسوس کا اظہار کیا ہے۔
وزیراعلیٰ نے اپنے تعزیتی پیغام میں کہا کہ سید عبداللہ شاہ بخاری ہردلعزیز شخصیت اور ایک منجھے ہوئے سیاستدان تھے اور انہوں نے علاقے کی ترقی میں بھرپور کردار ادا کیا۔ وزیراعلیٰ نے غمزدہ خاندان سے اظہار تعزیت کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور سوگوار خاندان کو صبر جمیل عطا فرمائے۔
