اسلام آباد (مانیٹرنگ ڈیسک) ہالی ووڈ کی معروف اداکارہ کے ساتھ بلاول بھٹو زرداری کی تصویروں نے سوشل میڈیا پر تہلکہ مچا دیا۔ پاکستان پیپلز پارٹی کے چیئر مین بے نظیر بھٹو کے صاحبزادے بلاول بھٹو زرداری کی دوبئی میں ہالی ووڈ کی معروف ترین اداکارہ، ماڈل اور سنگر پیرس ہلٹن کے ساتھ ملاقات ہوئی۔
ملاقات کے بعدسیلفی سیشن بھی ہوا جس کی تصاویر نے سوشل میڈیا پر تہلکہ مچا دیا۔بلاول بھٹو زرداری نے پیرس ہلٹن کے ساتھ تصاویر بنوائیں اور انہیں اپنے سوشل میڈیا اکائونٹ اور انسٹا گرام پر لگایا جسے ہزاروں لائیکس مل چکے ہیں اور ہر طرف پیپلز پارٹی کے چیئر مین بلاول بھٹو زرداری اور پیرس ہلٹن کی تصاویر کا چرچا ہے ۔
تفصیلات کے مطابق ہالی ووڈ کی معروف ماڈل اور اداکارہ پیرس ہیلٹن دوبئی میں موجود تھیں اور بلاول بھٹو بھی وہیں موجود تھے جہاں ان کی ملاقات ہوئی اور پھر جب پیرس ہلٹن جیسی ہستی ساتھ ہوں تو تصویر تو بنتی ہے ۔ واضح رہے کہ پیرس ہلٹن ایک معروف امریکی بزنس مین خاتون ہونے کے ساتھ ساتھ ہالی ووڈ کی کئی خوفناک فلموں میں بھی کام کر چکی ہیں ۔
