لاہور( این این آئی)پاکستان تحریک انصاف نے حکومتی پراپیگنڈے اور پانامہ کیس کا بھرپور دفاع کرنے کا فیصلہ کرلیا، وزیراعظم اور ان کے خاندان کی کرپشن اور متضاد بیانات پر مبنی دستاویزی فلم تیار کرلی ۔
بتایا گیا ہے کہ عمران خان کی زیر صدارت میڈیا اسٹریٹجی کمیٹی کا اجلاس ہوا جس میں پانامہ کیس اور تحریک انصاف کیخلاف حکومتی پراپیگنڈے کا توڑ کرنے سے متعلق حکمت عملی پر غور کیا گیا۔مرکزی ایڈیشنل سیکرٹری اطلاعات فیصل جاوید نے اجلاس کو بتا گیا کہ وزیر اعظم اور ان کے خاندان کی کرپشن اور مسلسل متضاد بیانانت پر مبنی ایک دستاویزی فلم تیار کر لی گئی ہے۔
دستاویز ی فلم کو شریف دربار کی فخریہ پیشکش’’شریفوں کی زبان، جھوٹ کی داستان ‘‘کا عنوان دیا گیا ہے۔ اجلاس کے شرکا ء کو فلم بھی دکھائی گئی۔
