پشاور(این این آئی)نئے آرمی چیف ملک کی جغرافیائی سرحدوں اور قومی سلامتی کے تحفظ کیلئے اپنی تمام ترصلاحیتیں بروئے کارلائیں گے۔گورنرخیبرپختونخواانجینئراقبال ظفرجھگڑا نے جنرل زبیرمحمود حیات کو چیئرمین جوائنٹ چیفس آف سٹاف کمیٹی اورجنرل قمر جاوید باجوہ کو چیف آف آرمی سٹاف مقرر کرنے پر مبارکباد دیتے ہوئے نیک خواہشات کا اظہارکیا ہے۔ ایک تہنیتی پیغام میں گورنرانجینئراقبال ظفر جھگڑا نے اس امید کا اظہارکیا کہ وہ ملک کی جغرافیائی سرحدوں اور قومی سلامتی کے تحفظ کیلئے اپنی تمام ترصلاحیتیں بروئے کارلائیں گے اورقوم کی امیدوں پر پورا اتریں گے۔ انہوں نے اس عزم کا بھی اظہارکیا کہ وہ مادر وطن کے دفاع کے حوالے سے قوم کی امیدوں پر پورا اتریں گے۔

موضوعات:جنرل قمر باجوہ