راولپنڈی (این این آئی) آرمی چیف جنرل راحیل شریف نے آبائی قصبے کنجاہ میں شبیر شریف شہید ہسپتال کا افتتاح کردیا۔ ہسپتال اہل علاقہ کو علاج معالجہ کی سہولیات کی فراہمی کیلئے تعمیر کیا گیا ہے۔ آئی ایس پی آر کے مطابق چیف آف جنرل سٹاف جنرل راحیل شریف نے گجرات کے علاقے میں اپنے آبائی قصبے کنجاہ کا دورہ کیا اور نئے تعمیر کئے گئے شبیر شریف ہسپتال کا افتتاح کیا۔یہ ہسپتال اہل علاقہ کو علاج معالجہ کی سہولیات کی فراہمی کی غرض سے تعمیر کیا گیا ہے۔ افتتاحی تقریب میں علاقہ کی معززشخصیات بھی موجود تھیں۔ آرمی چیف نے اس موقع پر ہسپتال کا معائنہ کیا اور وہاں زیر علاج مریضوں سے ملاقات کی اور خیریت دریافت کی۔

موضوعات:راحیل شریف