اسلام آباد(مانیٹرنگ ڈیسک) دنیا کی ساتویں بڑی فوج کے 16ویں سربراہ جنرل قمر جاوید باجوہ وزیر اعظم کے مشیر اور معروف صحافی عرفان صدیقی کے شاگرد رہے ہیں۔خبر رساں ادارے کے مطابق جنرل قمر جاوید باجوہ نے میٹرک سے انٹرمیڈیٹ تک 1976ءمیں تعلیم راولپنڈی کے سرسید کالج میں حاصل کی جس کے بعد ان کی کاکول میں سلیکشن ہوگئی تھی، وزیراعظم کے مشیر عرفان صدیقی قمر جاوید باجوہ کے اردو کے ٹیچر تھے۔دلچسپ بات یہ ہے کہ وزیراعظم کے پرنسپل سیکرٹری فواد حسن فواد بھی عرفان صدیقی کے شاگرد رہ چکے ہیں۔ اس کے علاوہ ضیاءالحق کے بیٹے انوار الحق بھی عرفان صدیقی کے شاگرد ہیں۔
واضح رہے کہ پاک فوج کے نو منتخب آرمی چیف جنرل قمر جاوید باجوہ بلوچ رجمنٹ سے تعلق رکھتے ہیں جبکہ انہوں نے کور کمانڈر بہاولپور کی حیثیت سے انے فرائض سر انجام دئیے اور راولپنڈی کے کور کمانڈر بھی رہے اور جنرل راحیل شریف کی مدت ملازمت ختم ہونے پر پاکستان کے 16ویں سربراہ کی حیثیت سے پاک فوج کی کمان سنبھالنے جا رہے ہیں ۔

موضوعات:جنرل قمر باجوہ