کوئٹہ (آن لائن ) چاغی میں حساس اداروں اور سکیورٹی فورسز نے مشترکہ کارروائی کر کے دہشت گردی کا بڑا منصوبہ ناکام بنا دیا۔تفصیلات کے مطابق اتوار کے روز چاغی میںحساس اداروں اور سکیورٹی فورسز نے مشترکہ کارروائی کر کے بڑی مقدار میں خطرناک اسلحہ و گولہ بارود برآمد کر لیا، برآمد ہونے والے اسلحے میں راکٹ لانچر،دستی بم،مارٹر گولے،بارودی سرنگیں اور پستول بھی برآمد بھی ہوئی ہیں،کارروائی کے دوران کسی ملزم کی گرفتاری عمل میں نہ آسکی۔ذرائع کے مطابق یہ اسلحہ اور بارود پاکستان میں مختلف حساس جگہوں پر استعمال کیا جانا تھا ۔
واضح رہے کہ چاغی وہ مقام ہے جہاں بھارت کے ایٹمی دھماکوں کے بعد پاکستان کے مایہ ناز سائنسدان ڈاکٹر عبد القدیر خان نے اپنی ٹیم کے ہمراہ شب و روز کی انتھک محنت اور اللہ پاک کے خصوصی کرنم کے بعد 28مئی 1998کو ایٹمی دھماکے کر کے پاکستان کے دشمنوں کا سر جھکایا اور انہیں بتایا کہ پاکستان لوہے کا وہ چنا ہے جسے نگلنا آسان نہیں ۔