گھکھڑ منڈی (آئی این پی ) جنرل قمر جاوید باجوہ کے نئے آرمی چیف مقرر ہونے پر ان کے آبائی گاوں گھکھڑ منڈی میں جشن منایا گیا،لوگوں نے مٹھائیاں بھی تقسیم کیں۔ہفتہ کو ایک نجی ٹی وی کے مطابق جنرل قمر جاوید باجوہ کے نئے آرمی چیف مقرر ہونے پر ان کے آبائی گاوں گھکھڑ منڈی میں لوگوں نے خوشی کا اظہار کرتے ہوئے علاقے بھر میں مٹھائیاں تقسیم کیں جبکہ نوجوانوں نے ڈھول کی تھاپ پر بھنگڑے بھی ڈالے۔

لوگوں کا کہنا تھا کہ قمر جاوید باجوہ ہمارے ہیرو ہیں ،وہ پاکستان کے دفاع کے لئے اپنی پوری کوشش کریں گے،وہ بہت ہی محنتی اور ایماندار شخص ہیں۔واضح رہے کہ لیفٹیننٹ جنرل قمر جاوید باجوہ جنرل راحیل شریف کے بعد پاک فوج کے نئے سپہ سالار مقرر کر دیے گئے جبکہ لیفٹیننٹ جنرل زبیر حیات کو جنرل کے عہدے پر ترقی دے کر چیئرمین جوائنٹ چیفس آف اسٹاف کمیٹی مقرر کردیاگیا ہے۔

موضوعات:آرمی چیف جنرل قمر جاوید باجوہ گھکھڑ منڈی