اسلام آباد (آئی این پی )آرمی چیف جنرل راحیل شریف ٹوئٹر پر ٹاپ ٹرینڈ بن گئے اور نوجوان ٹوئٹ کر رہے ہیں کہ جنرل راحیل شریف آپ کو ہمیشہ یاد رکھیں گے ۔ پیر کو سوشل میڈیا کی ویب سائٹ ٹوئٹر پر آرمی چیف ٹاپ ٹرینڈ بن گئے ، شہری ٹوئٹر پر آرمی چیف کے بارے میں سب سے زیادہ تذکرہ کرتے ہوئے انہیں شاندار الفاظ میں خراج تحسین پیش کر رہے ہیں ۔شہری ٹوئٹر پر
آرمی چیف کی تصاویر ، ویڈیوز اور اقدامات شیئر کر رہے ہیں اور کہہ رہے ہیں کہ جنرل راحیل شریف آپ کو ہمیشہ یاد رکھیں گے ، دہشت گردی کے خلاف پاک فوج کی کامیابیوں اور کراچی آپریشن پر انہیں شاباش دی جا رہی ہیں ۔ آرمی چیف کے الوادعی دوروں کی تصاویر بھی ٹوئٹر پر گردش کرنے لگیں ۔ ایک نوجوان نے اپیل بھی کر ڈالی کہ آپ ہمارے ہیرو ہیں چھوڑ کر مت جائیں
