کراچی (این این آئی)گورنر سندھ جسٹس(ر)سعید الزماں صدیقی نے کہا کہ صدر مملکت کی آمد اور نیک خواہشات کے اظہار پر ان کا شکر گذارہوں ،جلد اپنی آئینی ذمہ داریاں سنبھال لوں گا، صدر مملکت ممنون حسین نے پیر کو گورنر سندھ جسٹس (ر)سعید الزماں صدیقی سے ملاقات کی ہے ۔ترجمان گورنرہاؤس کے مطابق صدر مملکت نے گورنر سندھ کی خیریت دریافت کی
اور ان کی جلد صحت یابی کے لیے دعا کی ۔ دونوں رہنماؤں کے درمیان باہمی دلچسپی کے امور پر تفصیلی تبادلہ خیال کیا گیا ۔صدر مملکت نے کہا کہ گورنر سندھ کی صحت میں بہتری خوش آئند ہے وہ جلد مکمل صحت یابی کے بعد اپنے فرائض منصبی سنبھال لیں گے۔ گورنر سندھ جسٹس(ر)سعید الزماں صدیقی نے کہا کہ صدر مملکت کی آمد اور نیک خواہشات کے اظہار پر ان کا شکر گذارہوں ،جلد اپنی آئینی ذمہ داریاں سنبھال لوں گا۔
