پشاور (آئی این پی)عوامی نیشنل پارٹی کے مرکزی صدر اسفندیار ولی خان نے حاجی محمد عدیل کی وفات پر چاروں صوبوں میں تین روزہ سوگ کا اعلان کیا ہے اور تمام صوبوں میں تنظیموں و کارکنوں کو ہدایت کی ہے کہ وہ مرحوم کے ایصال ثواب کیلئے ختم القرآن اور دعائیہ تقریبات کا انعقاد کریں،
اسفندیار ولی خان نے کہا کہ مرحوم کی وفات بلا شبہ اے این پی اور ملک بھر کی تمام جمہوری قوتوں کیلئے عظیم سانحہ ہے اور پارٹی ایک عظیم ، نڈر ،بیباک،اور منجھے ہوئے سیاستدان سے محروم ہو گئی ہے۔ انہوں نے مرحوم کی خدمات کو شاندار الفاظ میں خدمات پیش کرتے ہوئے کہا کہ ملکی سیاست میں بڑے بڑے عہدوں پر فائز رہنے والے ھاجی محمد عدیل کا دامن صاف تھا اور این ایف سی ایوارڈ اور خصوصاً اٹھارویں ترمیم کیلئے انہوں نے جو کردار ادا کیا وہ تاریخ کا انمٹ باب ہے۔۔
