اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید احمد نے قومی اسمبلی میں انکشاف کیاہے کہ پاکستانی سرمایہ کاروں نے کینیاکارخ کرلیاہے اورکینیاکے ساحلی علاقے ممباسامیں 300فیکٹریاں لگاچکے ہیں جبکہ مزید سرمایہ کاری بھی کی جائے گی ۔انہوں نے بتایاکہ اس وجہ صرف یہ ہے کہ کینیاکی حکومت نے انہیں مفت زمین اورسہولتیں دیں ہیں جبکہ اس کے برعکس اب پاکستان میں سرمایہ کارجس عذاب سے گزرتے ہیں اس کی وجہ سے پاکستان میں کارورباری لوگ سرمایہ کاری کرنے سے ڈرتے ہیں ۔

ایک قومی اخبارکی رپورٹ کے مطابق بجٹ پربحث کے دوران جب اپوزیشن کے دوارکان کوسپیکرنے بولنے کی اجازت دیناتھی لیکن اس موقع پرسپیکرایازصادق نے عوامی مسلم لیگ کے سربراہ شیخ رشید کے گلے شکوے دورکرتے ہوئے انہیں ایوان میں بولنے کی اجازت دی۔شیخ ر شید نے اس موقع پراپنے سفرممباساکامختصرذکرکرتے ہوئے یہ انکشافات کئے اورساتھ ہی

انہوں نے یہ انکشاف بھی کردیاکہ راولپنڈی کے شریف خاندانو ںکے بچے اپنی گزراوقات کےلئے چوری چکاری کرتے ہیں ۔اس موقع پرشیخ رشید نے کہاکہ میں گزشتہ رمضان ممباسامیں گزارااوروہاں پرپاکستانی تاجروں نے میرے اعزازمیں افطارڈنربھی دیئے اوراس موقع پران کاروباری افراد نے کینیاکے ساحلی علاقےممباسامیں سرمایہ کاری کرنے کی وجوہات بتائیں جس پرکئی ارکان اسمبلی انکشافا ت سن کرحیران رہ گئے ۔