اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید احمد نے کہاہے کہ متنازعہ خبرخود حکومت کی اپنے ہاتھ سے لگی ہے ۔ایک نجی ٹی وی کے پروگرام میں گفتگوکرتے ہوئے کہاکہ جب نوازشریف پھنستے ہیں توا نکوشہبازشریف بچاتے ہیں اورجب شہبازشریف پھنسے گاتوانکو کوئی نہیں بچائے گا۔شیخ رشید نے کہاکہ پرویزرشید نے ایسی کون سی غلطی کی تھی کہ ان کووزارت سے فارغ کرکے قربانی کابکرابنایاگیا۔شیخ رشید کاکہناتھاکہ مولانافضل الرحمان ،خورشید شاہ اوراسفندریارولی سب نوازشریف کے ساتھ ہیں پھربھی نوازشریف مشکلات کاشکارہیں ۔انہوں نے کہاکہ فضل الرحمان کوصرف دوچیزوں کی ضرورت ہے ایک وزارت اوردوسراپیسہ ۔انہوں نے کہاکہ میں خورشید شاہ کے بارے میں بات کرکے اپناوقت ضائع نہیں کرناچاہتا۔انہوں نے کہاکہ اسفندیارولی بھی نوازشریف کے ساتھ ہے
۔شیخ رشید نے کہاکہ عمران خان کے علاوہ سب اپوزیشن نوازشریف کے ساتھ ہے ۔انہوں نے کہاکہ اچھاہے کہ سب گندایک جگہ جمع ہوجائے ۔انہوں نے کہاکہ جب پارلیمنٹ ،قانون سمیت تمام راستے بند ہوجاتے ہیں توپھرایک نیاراستہ کھلتاہے ۔انہوں نے کہاکہ اگرنوازشریف الیکشن دوبارہ بھی جیت جائیں پھربھی عوام ان سے نفرت کرتے رہیں گے وہ نفرت کی علامت بن چکے ہیں ۔شیخ رشید نے کہاکہ بارہ گھنٹے میں جلسہ ہوسکتاہے تودھرنابھی ہوسکتاتھالیکن اب ماضی کی غلطی پربات کرنامناسب نہیں ہے ۔انہوں نے کہاکہ متنازعہ خبرکی تحقیقات سے کچھ نہیں نکلے گابلکہ یہ صرف وقت ضائع کیاجارہاہے ۔
