پشاور(این این آئی)پشاور یونیورسٹی کے سالانہ کانوکیشن میں صحافت کے طالب علم نے گورنر خیبر پختونخوا سے ڈگری لینے سے انکار کردیا،طالب علم نبی شاہ کہتے ہیں وفاقی حکومت کی کارکردگی سے مطمئن نہیں۔پشاوریونیورسٹی کے سالانہ کانوکیشن میں سعبہ صحافت کے طالب علم نبی شاہ نے گورنر خیبر پختونخوا اور جامعہ کے چانسلر اقبال ظفر جھگڑا سے ڈگری لینے سے انکار کردیا ،طالب علم ڈگری لیئے بغیر ہی واپس اپنی نشست کی طرف چلا گیا ،طالب علم نبی شاہ کا کہنا تھا کہ وفاقی حکومت کے ملک اور صوبے کے لئے اقدامات سے وہ مطمئن نہیں اور اس لیے انہوں نے گورنر سے ڈگری لینے سے انکار کیا ، نبی شاہ جامعہ پشاور میں شعبہ صحافت کے طالب علم ہیں۔

موضوعات:ڈگری گورنر خیبر پختونخوا