کراچی (ا ین این آئی)کراچی کے علاقے گلستان جوہر میں نامعلوم مسلح ملزمان نے پاک سرزمین پارٹی کے رہنما اشفاق منگی کے گھر پر فائرنگ کردی ،جس کے نتیجے میں ان کا بھائی زخمی ہوگیا ہے ۔تفصیلات کے مطابق کراچی کے علاقے گلستان جوہر میں پاک سرزمین پارٹی کے رہنما اشفاق منگی کے گھر پر نامعلوم افراد نے فائرنگ کی تاہم اشفاق منگی فائرنگ سے محفوظ رہے جبکہ فائرنگ سے ان کا بھائی زخمی ہوگیا ہے ۔فائرنگ کے بعد علاقے میں شدید خوف و ہراس پھیل گیا جبکہ پولیس نے جائے وقوعہ پر پہنچ کر شواہد جمع کیے تفتیش شروع کردی ہے ۔اس ضمن پاک سرزمین پارٹی کے رہنما اشفاق منگی نے کہا ہے کہ نامعلوم مسلح ملزمان ان کے بھائی کو اغوا کرنا چاہتے تھے تاہم مزاحمت وہ انہیں زخمی کرکے فرار ہوگئے ۔دوسری جانب ایس ایس پی ایسٹ فیصل عبداللہ چاچڑنے کہا ہے کہ اشفاق منگی پر حملے میں کوئی بھی زخمی نہیں ہوا ہے۔اطلاع کے بعد پولیس نفری نے جائے وقوعہ پرپہنچ کر صورت حال کا جائزہ لیا ہے ۔