اسلام آباد(ایکسکلوژو رپورٹ) پاکستان تحریک انصاف کے مرکزی رہنماء اسد عمرکی قیادت میں تحریک انصاف کی ٹاسک فورس کا زیروپوائنٹ کا دورہ ، اسد عمر کا دیگر رہنماؤں کے ہمراہ اسلام آباد کو بند کرنے کے حوالے سے انتظامات کا جائزہ ۔ نجی ٹی وی رپورٹ کے مطابق اسد عمر اپنی پوری ٹیم کے ہمراہ مشاہدات کیلئے زیروپوائنٹ پل پر پہنچے ہیں۔اس موقع پر پاکستان تحریک انصاف کے مرکزی رہنماء اسد عمر عوامی انداز میں موٹر سائیکل پر سوار ہو کر زیرو پوائنٹ پہنچے۔ نجی ٹی وی رپورٹ کے مطابق پاکستان تحریک انصاف زیرو پوائنٹ سے ابتداء کرتے ہوئے یہاں سے شہریوں کو کال دے گی وہ اسلام آباد پہنچیں۔اس موقع پر اسد عمر کا کہنا تھا کہ جیسے ہمارا لیڈر عمران خان سادہ زندگی گزارنے کا کہتے ہیں ویسے ہی ہم عوامی انداز میں عوام کے ساتھ کھڑے ہیں اور کرپشن کیخلاف آواز اٹھائیں گے۔

موضوعات:2 نومبر دھرنا