(آئی این پی) تحر یک انصاف کے رکن قومی اسمبلی اسد عمر نے کہا ہے کہ پر ویز رشید کی باتیں مذاق کے سواکچھ نہیں کوئی بھی عمران خان کو گر فتارکرنے کی جرات نہیں کر سکتا‘تحر یک انصاف کے پاس عوامی طاقت ہے اور ہم شہر بند کر کے دکھائیں گے ۔اتوار کے روز گفتگو کرتے ہوئے اسد عمر نے کہا کہ پرویز رشید آئے روز مذاق کی باتیں کرتے ہیں اس لیے ہم انکی باتوں کو سنجیدہ نہیں لیتے ۔ انہوں نے کہا کہ (ن) لیگ سمیت کسی بھی حکومت اور جماعت میں اتنی جرات نہیں وہ عمران خان کو نظر بند یا گر فتار کر یں ۔ انہوں نے کہا کہ نوازشر یف کے وزات اعظمی کے دن ختم ہونیوالے اب پانامہ لیکس والوں کا اگلا مقام اقتدار نہیں بلکہ جیل ہوگا ۔