اسلام آباد (آن لائن)نواز حکومت کی جانب سے غربت میں کمی کے دعوے جھوٹے ثابت ہو گئے ہیں۔ پاکستان بھوک کے شکار ممالک کی فہرست میں بھی پڑوسی ممالک سے بازی لے گیا ہے۔ بھوک کا شکار118ممالک کی فہرست میں پاکستان107نمبر پر پہنچ گیا ہے جس میں مزید اضافے کا خدشہ ظاہر کیا جا رہا ہے۔ انٹرنیشنل فوڈ پالیسی ریسرچ انسٹی ٹیوٹ کی جانب سے جاری کی جانے والی گلوبل ہنگر انڈیکس 2016ء کے مطابق دنیا بھر میں بھوک کا شکار ممالک کو صفر سے100کے درمیان پوائنٹس دیئے گئے جس میں پاکستان کو33.4پوائنٹس ملے ہیں جس کے مطابق بھارت 97ویں نمبر پر افغانستان 111اور چین29ویں نمبر پر ہے۔ رپورٹ کے مطابق پاکستان کی صورت حال اگلے 15سالوں میں معتدل سے پریشان کن سطح پر پہنچ جائے گا انڈیکس کے مطابق دنیا بھر کے 7ممالک میں بھوک کی سطح انتہائی پریشان کن ہے جبکہ جمہوریہ وسطی افریقہ ، چاڈ اور زمبیا میں یہ شرح بد ترین سطح پر ہے۔ رپورٹ کے مطابق 2000ء کے بعد ترقی پزیر ممالک میں بھوک کی شرح میں29فیصد کمی واقع ہوئی ہے۔ تاہم 2030ء تک بھوک کو جڑ سے ختم کرنے کے لئے کوششوں کو مزید تیز کرنے کی ضرورت ہے۔

موضوعات:نواز شریف