لاہور ( این این آئی) تحریک انصاف کے چیئرمین عمران خان پارٹی اجلاس کے بعد موبائل فون کی بیل بجنے پر ناراض ہو گئے ، تمام شرکاء کو فون بند کرنے کی ہدایت کر دی ۔بتایا گیا ہے کہ پاکستان تحریک انصاف کے سربراہ عمران خان سنٹرل پنجاب کے اجلاس سے خطاب کر رہے تھے کہ اس دوران اچانک کسی کے موبائل فون کی بیل بجی۔ بیل کیا بجی کپتان کو بھی غصہ آ گیا اور ناراضگی کا اظہار کرتے ہوئے کہا کہ موبائل فون بند کرو انتہائی اہم اجلاس میں کیا تمہیں اوباما کا فون آ گیا ہے تاہم عمران خان نے اجلاس کے تمام شرکا کو موبائل فون بند کرنے کی ہدایت کر دی۔

موضوعات:اوباما