لاہور (این این آئی ) تحریک انصاف کے وائس چیئرمین شاہ محمود قریشی اور سیکرٹری جنرل جہانگیر ترین نے آپس کے اختلافات کی خبروں کو رد کرنے کیلئے ایکدوسرے سے ہاتھ ملا تے ہوئے کہا ہے کہ تحریک انصاف مکمل طور پر متحد ہے ۔ دونوں رہنماؤں نے نجی ٹی وی پر ایک دوسرے سے ہاتھ ملاتے ہوئے اختلافات کی خبروں کو رد کیا ۔شاہ محمود قریشی نے کہا کہ میرے اور جہانگیر ترین کے درمیان کوئی اختلا ف نہیں ، ہم دونوں سو فیصد اکٹھے ہیں ،پارٹی کے اندر کسی قسم کی کو ئی دھڑے بندی نہیں ۔جہانگیر ترین نے کہا کہ انٹرا پارٹی انتخابات کے موقع پر اختلافات کی خبریں اڑائی گئیں ۔انہوں نے کہا کہ پارٹی میں کوئی بھی چوہدری نہیں صرف ایک ہی بڑا چوہدری ہے اور وہ عمران خان ہے ۔ میں اور شاہ محمود قریشی کبھی علیحدہ نہیں تھے ،پہلے بھی اکٹھے تھے اب بھی اکٹھے ہیں،ہم ان تمام باتوں سے بالاتر ہیں کہ کون بڑاہے اور کون چھوٹا ہے ۔

موضوعات:جہانگیر ترین شاہ محمود قریشی