لاہور(مانیٹرنگ ڈیسک) محکمہ داخلہ پنجاب نے مراسلہ جاری کیا ہے جس میں کہا گیا ہے کہ تحریک انصاف کے رائیونڈ مارچ میں ممکنہ طور پر دہشت گردی کا خطرہ ہے۔ادھر عمران خان کا کہنا ہے کہ جب بھی دھرنا دینے لگتے ہیں تو ہمیں تھریٹ لیٹرز جاری کر کے ڈرایا جاتا ہے ۔ میڈ یا رپورٹس کے مطابق محکمہ داخلہ پنجاب نے مراسلہ جاری کیا جس میں کہا گیا کہ تحریک انصاف کی مرکزی قیادت اور ریلی کو دہشت گرد نشانہ بنا سکتے ہیں۔بھارت کی خفیہ ایجنسی ’’را‘‘ اورافغانستان کی خفیہ ایجنسی نے تحریک انصاف کی ریلی کو ٹارگٹ کرنے کا منصوبہ بنالیا ہے ۔مراسلے میں کہا گیا کہ مجاز افسران اس تھریٹ وارننگ سے تحریک انصاف کی لیڈرشپ کو آگا ہ کردیا جائے ۔محکمہ داخلہ پنجاب نے مراسلہ سی سی پی او لاہور ،آئی پنجاب اور چیف سیکریٹری پنجاب کو بھجوا دیا ۔دوسری جانب تحریک انصاف کے چیئر مین عمران خان نے کہا کہ ہم جب بھی دھرنا دینے لگتے ہیں تو حکومت اس طرح کے تھریٹ لیٹرز جاری کرکے ہمیں ڈرانے کی کوشش کرتی ہے ۔ان کاکہنا تھا کہ جب وزیر ستان ڈیڑ ھ لاکھ لوگ لے کر گیا اس وقت بھی مجھے بتا یاگیا کہ میرے پیچھے 9خودکش بمبار ہیں لیکن اس کے باوجود وزیرستان گیا

موضوعات:رائیونڈ مارچ عمران خان