لاہور( مانیٹرنگ ڈیسک)گزشتہ عید الاضحی سے قبل ’’ قربانی سے پہلے قربانی ‘‘ کی پیشگوئی درست ثابت نہ ہونا عوامی مسلم لیگ کے سربراہ شیخ رشید احمد کی چھیڑ بن گئی۔شیخ رشید احمد نے گزشتہ عید الاضحی سے قبل ایک ٹی وی انٹر ویو کے دوران موجودہ حکومت کے حوالے سے پیشگوئی کی تھی کہ ’’ قربانی سے پہلے قربانی ‘‘ ہو گی تاہم ان کی یہ پیشگوئی سچ ثابت نہ ہوئی جسکے بعد ان سے ہر انٹر ویو میں ’’ قربانی سے پہلے قربانی ‘‘ کی پیشگوئی غلط ثابت ہونے بارے پوچھا جاتا رہا۔ ایک سال بعد دوبارہ عید الاضحی کا تہوار آنے پر شیخ رشید سے ’’ قربانی سے پہلے قربانی ‘‘ کے سوال کو چھیڑ کے طور پر پوچھا جانے لگا ہے۔

موضوعات:شیخ رشید