راولپنڈی(مانیٹرنگ ڈیسک) عید الاضحی کے لئے قربانی کے جانور کی تلاش میں فرزندراولپنڈی شیخ رشید اسلام آباد کی مویشی منڈی پہنچےتودربار ہی سج گیا اورمویشی منڈی میں بھی شیخ رشید پیشگوئی کا تڑکا لگانا نہیں بھولے۔ایک نجی ٹی وی کے مطابق عوامی مسلم لیگ کے سربراہ شیخ رشید قربانی کے جانورکی تلاش میں اسلام آباد کی منڈی پہنچے مگر منڈی میں تو شیخ صاحب کا دربار ہی سج گیا۔ بیوپاری خود مال مویشی دکھانے پہنچتے رہے۔ شیخ رشید نے صحرائی جہاز سے خریداری شروع کی۔اس موقع پرشیخ رشید نےبتایاکہ ایک لاکھ کا اونٹ خریدلیا اور مزید دودنبے بھی خریدنےکاارادہ ہے۔سیاسی قربانی پر انھوں نے کہاکہ پہلے تو قصائی بھاگ گیاتھا ،دعاکریں قربانی نہ بھاگ جائے۔شیخ رشید نے کہاکہ عید الاضحٰی پروہ اونٹ کی قربانی کریں گے مگرانہیں سیاسی قربانی کی بھی بڑی پریشانی اورفکررہتی ہے ۔