اسلام آباد(مانیٹرنگ ڈیسک) وفاقی حکومت نے شیخ رشید کیخلاف غداری کا مقدمہ درج کرنے پر غور شروع کردیا، آرمی چیف سے مداخلت کی بات کرنا آرٹیکل 6 کی خلاف ورزی ہے۔ایک نجی ٹی وی کی رپورٹ کے مطابق عوامی مسلم لیگ کے سربراہ شیخ رشید مشکل میں پھنس گئے، حکومت نے آرٹیکل 6 کے تحت کارروائی پر غور شروع کردیا، حکومت کا کہنا ہے کہ آرمی چیف سے مداخلت کی بات آرٹیکل 6 کی خلاف ورزی ہے۔واضح رہے کہ شیخ رشید نے ایک نجی ٹی وی سے گفتگو کرتے ہوئے وزیراعظم کیخلاف ریفرنس مسترد کرنے پر ایاز صادق پر شدید تنقید کی، اس موقع پر انہوں نے کہا تھا کہ آخری وارننگ دے رہا ہوں کہ جمہوریت کو شدید خدشات لاحق ہیں، پاناما، کرپشن اور ماڈل ٹاؤن پر آرمی چیف اور چیف جسٹس پاکستان کوئی فیصلہ کرلیں