اسلام آباد (این این آئی)پاکستان تحریک انصاف کے چیئرمین عمران خان نے ناراض ارکان اسمبلی کو منانے کا فیصلہ کرلیا ہے۔نجی ٹی وی کے مطابق پاکستان تحریک انصاف کے چیئرمین عمران خان نے ناراض ارکان اسمبلی کو منانے کا فیصلہ کرلیا ہے،وزیر اعلیٰ خیبر پختونخوا پرویز خٹک کو ناراض ارکان کو یکجا کرنے کی ہدایت کردی ہے،چیئرمین پی ٹی آئی نے یہ فیصلہ 24ستمبر کو رائے ونڈ کی جانب مارچ کو کامیاب بنانے کیلئے کیا ہے۔ذرائع کے مطابق پی ٹی آئی کے ناراض ارکان نے اپنے ردعمل میں کہاکہ عمران خان ایک جمہوری انسان ہیں اوراس وجہ سے انہوں نے ہمارے تحفظات دورکرنے کافیصلہ کیاہے ۔انہوں نے امیدظاہرکی کہ عمران خان ضرورپرویزخٹک بارے ان کے تحفظات پرغورکریں گے