لاہور (این این آئی)بھارتی چالوں اور سازشوں کے بعد سی پیک منصوبہ میں کام کرنے والے چائنیز کی پنجاب بھر میں سکیورٹی مزید سخت کردی گئی ہے۔ ملتان میں 309 چائنیز کی سکیورٹی پر 1500 سے زائد اہلکارتعینات کیے گئے ہیں۔پولیس ذرائع کے مطابق سی پیک منصوبے پر کام کرنیوالے 309چائنیز کے چار کیمپ آفسز قائم کیے گئے ہیں جن کی سکیورٹی کیلئے 1500سے زائد پولیس اہلکارتعینات کیے گئے ہیں۔ایلیٹ فورس کے اہلکار بھی ڈیوٹی دینے والوں اہلکاروں میں شامل ہیں۔چائنیز کی نقل وحرکت کے موقع پر مسلح پولیس اہلکار سکیورٹی ڈیوٹی کے لئے تعینات کیے گئے ہیں۔