راولپنڈی(مانیٹرنگ ڈیسک) یوم دفاع کے موقع پر امن و امان کو برقرار رکھنےکے لئے پاک فوج کے ہیڈ کوارٹر کے اردگرد 10 کلومیٹر کے دائرے میں موبائل فون سروس بند کرنے کا فیصلہ کر لیا گیا ہے ۔
تفصیلات کے مطابق یوم دفاع کی تقریبات کے موقع پر امن و امان کوبرقرار رکھنے کے لئے موبائل فون سروس معطل کرنے کا فیصلہ کیا گیا ہے موبائل فون سروس صبح 6 بجے سے دوپہر 1 بجے تک اور پھر اس کے بعدایک گھنٹے کے وقفے کے بعد 2 بجے سے رات 11 بجے تک بند رہے گی ۔دوسری جانب راولپنڈی کے کچھ علاقہ جات میں ابھی سے موبائل فون سروس معطل کئے جانے کی اطلاعات بھی آ رہی ہیں ۔ جس کے باعث عوام کو شدید مشکلات کا سامنا کرنا پڑ رہا ہے ۔

موضوعات:یوم دفاع