لاہور(مانیٹرنگ ڈیسک) چیئرمین تحریک انصاف کے کنٹینر کے قریب سے مشکوک افراد کو گرفتار کر لیا گیا ہے ۔
تفصیلات کے مطابق پاکستان تحریک انصاف کے چیئرمین عمران خان کی احتساب ریلی کے دوران ان کے کنٹینر کے قریب سے چند افراد کو گرفتار کر لیا گیا ہے ۔ ذرائع کے مطابق کنٹینر کے قریب 2 مشکوک نوجوان گرفتارکئے گئے جو کنٹینر کے قریب جیبیں کترنے میں مصروف تھے ۔ جیب کتروں کو تحریک انصاف کے کارکنوں نے پنجاب اسمبلی کی عمارت کے سامنے سے پکڑا اور موقع پر موجود پولیس اہلکاروں کے حوالے کر دیا۔
پولیس کے حوالے کرنے سے قبل تحریک انصاف کے کارکنا ن نے جیب کتروں پر اپنا غصہ بھی خوب نکالا اور لاتوںاور گھونسوں سے ان کی خوب تواضع کی ، مگر کچھ ہی دیر بعد یہ عقدہ کھلا کہ جن افراد کو جیب کترے سمجھ کر تشدد کا نشانہ بنایا گیا تھا وہ شیخوپورہ سے ریلی میں شرکت کرنے آئے تھے جس کے بعد ان کو چھوڑ دیا گیا ۔

موضوعات:کنٹینر گرفتاریاں