لندن (این این آئی)متحدہ قومی موومنٹ کے رہنما واسع جلیل نے کہا ہے کہ ہمیں مائنس ون فارمولا قبول نہیں ہے ،قومی اسمبلی میں الطاف حسین کے خلاف قراداد قبول نہیں کریں گے ۔مائیکرو بلاگنگ ویب سائٹ ٹوئیٹر پر اپنے پیغام میں انہوں نے کہا کہ ایم کیو ایم الطاف حسین اور الطاف حسین ایم کیو ایم ہے ،متحدہ اور قائد تحریک ایک ہی ہیں ۔واضح رہے کہ ایم کیو ایم پاکستان کے رہنما فاروق ستار نے فیصلہ کیا ہے کہ قومی اسمبلی میں متحدہ کے قائد کے خلاف تحریک لائی جائے گی اور ایم کیو ایم کے جھنڈے سے الطاف حسین کا نام ہٹا کر پتنگ کا انتخابی نشان لگانے کا بھی فیصلہ کیا گیا تھا ۔