اسلام آباد (مانیٹرنگ ڈیسک) شریف برادران پانامہ لیکس کے معاملے پر اپوزیشن کے احتجاج سے بچنے کے لئے کیا حربے استعمال کر رہے ہیں عمران خان نے دلچسپ وجہ بتا دی۔ نجی ٹی وی چینل کے پروگرام میں گفتگو کرتے ہوئے عمران خان کا کہنا تھا کہ شریف برادران پانامہ لیکس کے معاملے پر اپوزیشن کے احتجاج سے خوفزدہ ہیں اور اس سلسلے میں وہ سعودی عرب سمیت دیگر کئی ممالک سے پی ٹی آئی پر دبائو ڈال رہے ہیں کہ پی ٹی آئی احتجاج سے رک جائے ۔اس موقع پر اینکر نے سوال کیا کہ کیا آپ سعودی سفیر سے ملے ہیں تو اس پر عمران خان نے مسکر ا کرکہا کہ میں تیس سال سے ان کی سیاست دیکھ رہا ہوں ، ان کی سیاست صرف تحائف اور پی آر پر ہی ٹھہری ہے جبکہ ملک اور محکمہ خارجہ سے متعلق ان کو کوئی فکر نہیں ہے ۔

موضوعات:عمران خان