اسلام آباد (مانیٹرنگ ڈیسک) وزیر مملکت انجینئر بلیغ الرحمن نے کہا ہے کہ پاکستان کشمیر کی اخلاقی،سفارتی اور سیا سی حمایت جاری رکھے گا۔ ریڈیو پاکستان سے گفتگو کرتے ہوئے انھوں نے کہا کہ پوری دنیا دہشتگردی کی لپیٹ میں ہے اور پاکستاں نے نیشیل ایکشن پلان پر عملدرآمد کی وجہ کامیابی حاصل کی ہے ۔ انھوں نے کہا کہ بھارت بلوچستان اور کشمیر میں ہونے والے دہشتگردی میں ملوث ہے۔انجینئر بلیغ الرحمن نے کہا ہے کہ بھارت بلوچستان میں بد امنی پھیلاکر پاکستان کو غیر مستحکم کرنا چاہتا ہے تاہم موجودہ حکومت کی کامیاب حکمت عملی کے باعث وہ اپنے مقاصد میں کبھی کامیاب نہیں ہو گا۔ انھوں نے کہا کہ کشمیر میں بھارتی جارحیت عروج پر ہے اور بھارتی افواج کھلے عام انسانی حقوق کی پامالیاں کر رہی ہیں۔انجینئر بلیغ الرحمن نے کہا ہے کہ پاکستان کی جانب سے عالمی سطح پرمسلہ کشمیر کو اجاگر کرنے کہ وجہ سے دنیاکے سامنے بھارت کا مکروہ چہرہ عیاں ہو گیا ہے ۔اسی لئے بھارت بوکھلایا ہوا پھرتا ہے اور منفی پراپیگنڈا کرکے دنیا کی توجہ اپنے اوپر لگے الزامات سے ہٹانے کی کوشش کرتا ہے۔مسلہ کشمیر پر پاکستان کے مؤقف کے حوالے سے پوچھے گئے سوال کا جواب دیتے ہوئے انھوں نے کہا کہ اس سے قبل وزیر اعظم محمد نواز شریف کئی مرتبہ کہ چکے ہیں کہ ہم کشمیر کی سفارتی، اخلاقی اور سیاسی حمایت جاری رکھے گا۔ انھوں نے کہا کہ پاکستان اپنے سفارتکاروں اور پارلیمنٹیرین کے ذریعے مسلہ کشمیر کو دنیا بھر میں اجاگر کر رہا ہے۔

موضوعات:انجینئر بلیغ الرحمن