اسلام آباد (مانیٹرنگ ڈیسک) الطاف حسین کی پاکستان مخالف تقریر کے بعد ایم کیو ایم کے مختلف رہنماؤں کے بیانات سامنے آرہے ہیں ۔ معروف رہنما عامر لیاقت حسین نے کہا ہے کہ پہلے ایم کیو ایم قائد اپنی ذہنی کیفیت کو ٹھیک کرلیں بار بار معافی تلافی نہیں ہوسکتی,پاکستان مہاجروں نے بنایا تھا،ہمارے لیے صرف پاکستان زندہ باد ہے۔معروف ٹی وی چینل کے مطابق متحدہ قومی موومنٹ کے رہنماء عامر لیاقت نے کہا ہے کہ پاکستان مہاجروں نے بنایا تھا،ہمارے لیے صرف پاکستان زندہ باد ہے،انہوں نے کہا ہے کہ پہلے ایم کیو ایم قائد اپنی ذہنی کیفیت کو ٹھیک کرلیں بار بار معافی تلافی نہیں ہوسکتی،اب متحدہ سب کو بتائے گی پاکستان زندہ باد کا نعرہ کیسے لگایا جاتا ہے۔کچھ نعرے ناقابل معافی اور ناقابل تلافی ہوتے ہیں،اب مزید یہ گفتگو نہیں سن سکتے۔