راولپنڈی (آئی این پی) سیکیورٹی فورسز نے خیبرایجنسی کی وادی تیراہ کے علاقے راجگل میں جیٹ طیاروں کے ذریعے فضائی اور زمینی کارروائی کرتے ہوئے 9 دہشت گردوں کو ہلاک کر دیا اور شدت پسندوں کے 6 سے زائد ٹھکانے بھی تباہ کر دئیے ۔ ہفتہ کو پاک فو ج کے شعبہ تعلقات عامہ (آئی ایس پی آر) کے مطابق سیکیورٹی فورسز نے وادی تیراہ راجگل میں جیٹ طیاروں کے ذریعے فضائی اور زمین کارروائی کرتے ہوئے 9 دہشت گردوں کو ہلاک کر دیا اور شدت پسندوں کے 6 سے زائد ٹھکانے بھی تباہ کر دئیے گئے ہیں۔ کارروائی کے دوران دہشت گردوں کے اسلحے کا ذخیرے بھی تباہ کر دیا گیا ۔