کراچی(این این آئی)کراچی کے علاقے اورنگی ٹاؤن کی رئیس امروہوی کالونی میں پولیس نے سرچ آپریشن کے دوران پانچ ملزمان کو گرفتار کرلیا جبکہ 31 مشتبہ افراد بھی حراست میں لیے گئے ہیں۔پولیس نے رئیس امروہوی کالونی میں جرائم پیشہ افراد کی موجودگی کی اطلاع پر سرچ آپریشن کیا ،، اس دوران جرائم پیشہ افراد نے فائرنگ کی جس پر پولیس کی مزید نفری طلب کرلی گئی ۔کارروائی کے دوران مختلف جرائم میں ملوث پانچ ملزمان کو گرفتار کرکے اسلحہ برآمد کرلیا جبکہ 31 مشتبہ افراد کو بھی حراست میں لے لیا گیا ہے۔

موضوعات:اہم گرفتاریاں سرچ آپریشن