اسلام گڑھ(آئی این پی)پاکستان مسلم لیگ (ن) کے مرکزی رہنماء حضائفہ ملک نے کہا ہے کہ چیئرمین تحریک انصاف عمران خان جتنے مرضی چاہیں ریفرنس دائر کرلیں انشاء اللہ تمام فیصلے میاں محمدنواز شریف کے حق میں ہی ہونگے ۔ عوام نے 2013ء کے الیکشن میں جس طرح عوام کو ووٹ دیکر کامیاب کروایا انشاء اللہ 2018ء کا الیکشن بھی کارکردگی کی بنیاد پر جیت کا ایک تاریخ رقم کرینگے ۔ میاں محمدنواز شریف نے پاکستان کے اندر ان تینوں سالوں میں بے مثال تعمیروترقی کے اقدامات کیے ہیں جن میں معاشی ترقی اور اقتصادی ترقی کے پراجیکٹ سب سے نمایاں ہیں2018میں کارکردگی کی بنیاد پر حکومت قائم کر یگی اور عوامی مسائل حل کریگی ۔ ان خیالات کااظہار انہوں نے صحافیوں سے بات چیت کرتے ہوئے کیا۔
حضائفہ ملک نے مزید کہا کہ سابق ایم این اے محمد حنیف عباسی اسمبلی کے باہر ہوتے ہوئے بھی میاں محمد نواز شریف کے ویژن کے مطابق شاندار عوامی کردار ادا کر کے ایک مرتبہ پھر حلقہ کے اندر اپنی مقبولیت کو پروان چڑھانے میں کامیاب ہو گئے ہیں۔ انہوں نے کہا کہ مسلم لیگ ن نے جہاں کہیں بھی اپنے پاؤں جمائے اللہ رب العزت کی طرف سے مسلم لیگ ن کے شیر کو کامیابی حاصل ہوئی اوریہی وجہ ہے کہ مسلم لیگ ن اس وقت پاکستان سے سمیت ، گلگت بلتستان اور آزادکشمیر کی بڑی سیاسی قوت کے طور پر سامنے آرہی ہے ۔ انہوں نے کہا کہ وزیراعظم پاکستان میاں محمد نواز شریف کی قیادت انشاء اللہ 2018تک ملک سے لوڈشیڈنگ ، اور معاشی بحران کو ختم کر کے ملک کو لازوال بنا دینگے ۔ انہوں نے کہا کہ2018میں کارکردگی کی بنیاد پر حکومت قائم کر یگی اور عوامی مسائل حل کریگی ۔