اسلام آباد(مانیٹرنگ ڈیسک) نجی ٹی وی پروگرام میں سینئر سیاستدان نے بڑی بات کہہ دی، نجی ٹی وی پروگرام میں گفتگو کرتے ہوئے سینئر سیاستدان شیخ رشید احمد نے کہا کہ ہر بار کوئی نہ کوئی مسئلہ ہو جاتا ہے اسلئے اس بار میں نے عمران خان کو خصوصی طور پر کہا ہے کہ اگر شادی کرنی بھی ہے تو تحریک احتساب تک رک جاؤ۔ پہلے یہ تمام معاملہ ختم ہو جائے ، اس کے بعد بیشک چار شادیاں کر لینا ۔شیخ رشید احمد نے کہا کہ عمران خان شادی کرنا چاہیں یا نہ چاہیں یہ ان کا ذاتی معاملہ ہے۔ لیکن میڈیا کسی کے کہنے پر شروع ہو جاتا ہے اور یہ عین اس وقت کیا جاتا ہے جب عمران خان نے کوئی تحریک شروع کرنی ہو یا کوئی اہم کام کرنا ہو۔
سینئر سیاستدان و سربراہ عوامی مسلم لیگ شیخ رشید کا کہنا تھا کہ اس وقت تحریک احتساب سب سے زیادہ اہمیت کی حامل ہے۔ تحریک عمران خان کی زندگی کا مشن ہے۔ یہ جو ننز ہوتی ہیں وہ ساری زندگی شادیاں نہیں کرتیں تو کیا وہ مر جاتی ہیں؟ ہمارے دین میں بھی کئی لوگوں نے شادیاں نہیں کیں۔ عمران خان 2016 ء گزار لیں پھر میں خود انہیں تجویز دوں گا کہ وہ چار شادیاں کر لیں۔

موضوعات:عمران خان