اسلام آباد(مانیٹرنگ ڈیسک) سینئر تجزیہ نگار کا نجی ٹی وی پروگرام میں تہلکہ خیزدعویٰ۔ نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ وزیر اعظم ہاؤس میں میٹنگز ہوئی ہیں ، اس میں عسکری قیادت کو کہا گیا کہ آپ جماعۃ الدعوۃ کو اٹھائیں ، آپ جیش محمد کو اٹھائیں ، وزیر اعظم نے کہا کہ میں نے امریکہ جا کر بتانا ہے کہ مجھ میں کتنی اہلیت ہے۔ سینئر تجزیہ نگار سمیع ابراہیم نے دعویٰ کرتے ہوئے کہا کہ وزیر اعظم نواز شریف نے جو تازہ ترین حیران کن بات کہی وہ یہ تھی کہ’’ 6 ماہ ہو گئے ہیں، بھارتی جاسوس کل بھوشن یادیو پاکستانی فوج کی حراست میں ہے، اب آپ ایسا کریں کہ آپ نے بہت اس کی تحقیقات کر لی ہیں ، آپ اسے پولیس کے حوالے کر دیں‘‘۔
سینئر تجزیہ نگار سمیع ابراہیم نے کہا کہ ہمارے ذرائع نے ہمیں یہ بتایا ہے کہ وزیر اعظم نواز شریف نے کل بھوشن یادیو کو بلوچستان پولیس کے حوالے کرنے کا کہا ہے۔ سمیع ابراہیم کا کہنا تھا کہ اتنا اہم اور اتنا حساس جاسوس ، بھارتی فوج کا آفیسر بلوچستان پولیس کے حوالے کیسے کیا جا سکتا ہے؟ سمیع ابراہیم نے گفتگو کرتے ہوئے کہا کہ نواز شریف کہتے ہیں میں نے امریکہ جانا ہے تو مجھ سے یہ سوال ہوگا کہ جناب یہ جو بندہ ہے کل بھوشن یادیو یہ 6 ماہ سے کون سی حراست میں ہے؟ مجھے کہا جائیگا کہ آپ اس کا چالان کریں اور اس کے پولیس کے حوالے کریں۔ سمیع ابراہیم نے کہا کہ اس حوالے سے جن لوگوں سے بھی میری بات ہوئی انہوں نے یہ کہا کہ ایسا لگتا ہے وزیر اعظم نواز شریف کوصرف اس بات کی فکر ہے کہ میں کسی طریقے سے مودی کو خوش کروں۔

موضوعات:کلبھوشن یادو