اسلام آباد (آئی این پی) وفاقی وزیر اطلاعات و نشریات سینیٹر پرویز رشید نے عمران خان سے 5 سولات پوچھتے ہوئے کہا ہے کہ ہر یوم آزادی کی خوشی میں عمران خان احتجاج کرکے کس دشمن کو مذاق اڑانے کا موقع فراہم کرتے ہیں، عمران خان اور اس کے حواریوں کے نام آف شور کمپنیوں کی فہرست میں ہے ، وزیر اعظم کا نام نہیں۔ عمران خان ا س سچائی سے کیوں انکار کرتے ہیں۔ ہفتہ کو تحریک انصاف کی جڑواں شہروں میں نکالی جانے والی ریلی پر ر دعمل دیتے ہوئے وفاقی وزیر اطلاعات و نشریات پرویز رشید نے چیئر مین پی ٹی آئی عمران خان کے سامنے پانچ سوال رکھ دیئے۔ پر ویز رشید کا کہناتھا کہ ہر یوم آزادی پر عمران احتجاج کر کے دشمن کو مذاق اڑانے کا موقع دیتے ہیں۔ قوم ہر یوم آزادی پر سبز ہلالی پرچم لہراتی ہے، عمران سیاہ جھنڈا کیوں لہراتے ہیں۔ انہوں نے کہا کہ قومی وحدت کے روز عمران قوم کو تقسیم کرنے کی کوشش کیوں کرتے ہیں۔ پرویز رشید نے کہ عمران کو ملنے والی چیئرمینی کی رقم ذاتی اکاؤنٹ میں منتقلی پر برطانیہ میں تحقیقات ہو رہی ہیں۔ عمران خان اس سچائی سے کیوں انکار کرتے ہیں کہ وزیر اعظم کا نام کی آف شور کمپنی میں نہیں لیکن عمران خان اور اس کے حواریوں کے نام آف شور کمپنیوں میں ہیں۔ وفاقی وزیر نے کہا کہ امید ہے جھوٹ کے راستے پر گامزن عمران ہمارے سوالوں کے سچ جواب نہیں دیں گے۔ (ح ب+ ار)