اسلام آباد(آئی این پی) وفاقی وزیر داخلہ چوہدری نثار علی خان نے سینیٹر اعتزاز احسن کو پراپرٹی اور گیس مافیا کا آلہ کار قرار دیتے ہوئے کہا کہ وہ کوئی ڈریکولا ہیں کہ میں ان سے خوفزدہ ہوں ۔ بدھ کو سینئر صحافیوں سے بات چیت کرتے ہوئے وزیر داخلہ نے کہا کہ میرے نزدیک ایسے لوگوں کی کوئی حیثیت نہیں جو کسی پراپرٹی یا گیس ٹائیکون کے پروردہ اور آلہ کار ہیں ،انہوں نے کہا کہ اگر کوئی شخص اپنی حیثیت یا کردار کے بارے میں کسی غلط فہمی یا خوش فہمی کا شکار ہو تو اس پر صرف افسوس ہی کیا جا سکتا ہے ۔ انہوں نے کہا کہ وہ کوئی ڈریکولا نہیں کہ میں ڈرو ں ، سینیٹر اعتزاز احسن سمیت کسی سے بھی خوفزدہ ہونے والا نہیں ہوں ۔