لاڑکانہ(این این آئی) پاکستان ایئر فورس سکھر سینٹر کے سکوارڈن لیڈر نے اپنے جاری کردہ اعلامیہ میں کہا ہے کہ پاکستان ایئر فورس میں شاندار کیریئر کے شروعات کے خواہش مند نوجوانوں کی رجسٹریشن شروع کی گئی ہے۔ جی ڈی پائلیٹ، سی اے اے اور ایئر ڈفینس میں کورسز کے لیے خواہشمند امیدواروں کا قد 5 فوٹ 4 انچ ہونا ضروری ہے، غیر شادی شدہ نوجوان جن کی تعلیمی قابلیت میٹرک سائنس اور اے لیول ہو۔ ڈی جی پائلیٹ کے لیے میٹرک پری انجنیئرنگ، پری میڈیکل، کمپیوٹر سائنس میں کم از کم 60 فیصد مارکس حاصل کرنے والے نوجوان رجسٹریشن کے اہل ہونگے جبکہ سی اے اے کے لیے میٹرک فرسٹ ڈویڑن پاس کرنے والے اور 65 فیصد مارکس حاصل کرنے والے اہل ہونگے، عمرد کی حد 9 اپریل 2017 تک 16 سے 22 سال سولین اور 16 سے 23 سال سرونگ ایئر مین کے لیے مقرر کی گئی ہے۔ ایئر فورس کی انجنیئرنگ، ایجوکیشن، آئی ٹی، اکاؤنٹس اور لاگ برانچز میں بھی ملازمتوں کا اعلان کیا گیا ہے جس کے تحت مکینیکل، الیکٹرانکس اور الیکٹریکل انجنیئرنگ میں بے اے اور بی ایس سی کرنے والے مرد و خواتین جن کی عمریں 18 سے 30 سال ہو وہ درخواست دینے کے اہل ہونگے۔ ایجوکیشن برانچ میں فزیالاجی میں ایم ایس سی / ایم اے / بی ایس سیکنڈ ڈویڑن پاس کرنے والے مرد و خواتین جن کی عمریں 21 سے 30 سال ہوں اپلائے کرسکتے ہیں۔ آئی ٹی کے شعبے میں ایم ایس سی (کمپیوٹر سائنس / آئی ٹی) ایم سی ایس / بی اے / بی سی ایس یا بی ایس سی کمپیوٹر سائنس کرنے والے درخواستیں دینے کے اہل ہونگے۔ اکاؤنٹس برانچ میں بی کام / بی بی اے (4 سال) / ایم کام / ایم بی اے / اے سی ایس یا ایس سی ایم اے / بی ایس اکاؤنٹنگ کی ڈگریاں رکھنے والے اپلائے کرسکتے ہیں جبکہ لاگ برانچ میں ایم بی اے / بی بی اے کی ڈگری رکھنے والے درخواست دے سکتے ہیں۔ اہل امیدواروں کو اصل تعلیمی اسناد، خود اور والدین کی کمپیوٹرائیزڈ کارڈز، 2 عدد تصاویر، ڈومیسائل کے ساتھ 10 اگست تک پی اے ایف سینٹر سکھر پہنچنے کا مشورہ دیا گیا ہے اس کے علاوہ ایئر فورس کی ویب سائیٹ www.joinpaf.gov.pk پر بھی رجسٹریشن کی جاسکتی ہے۔