سبی (آئی این پی)ضلع بولان کے پہاڑوں میں خطرناک جانورکی موجودگی کی اطلاعات لوگوں میں خوف وہراس پھیل گیا کئی افراد کو ذخمی کرنے کی بھی اطلاع ہے ۔تفصیلات کے مطابق ضلع بولان کے علاقہ ڈھاڈر و گردونواح میں خطرناک جانور کی موجودگی کی اطلاعات پرمقامی لوگوں میں شدید خوف وہراس پایا جاتا ہے کئی افراد کو کہنا ہے کہ رات کے وقت مذکورہ جانور کو دیکھا گیا ہے جس نے کئی افراد کو زخمی بھی کیا ہے جبکہ گزشتہ شب بھی ایک شخص پر حملہ کرکے اس کو زخمی کیا تھا مقامی پولیس و انتظامیہ کی جانب سے مذکورہ واقعہ کی کوئی تصدیق نہ ہوسکی واضح رہے کہ 20سے25سال قبل بھی بولان کے پہاڑی علاقوں میں مم نامی جانور کی موجودگی کی افواہ رہی تھیں جو مرد انسان کو اٹھا کر اپنے ساتھ لے جاتی تھی جس کو اپنے پاس رکھ کر کئی کئی دنوں کے بعد کمزور حالت میں چھوڑدیتی تھی ہوسکتاہے کہ اب دوبارہ اسی طرح خوف وہراس پھیلانے کو کوشش کی جارہی ہے۔