کراچی (این این آئی)مخصوص مذہب سے تعلق رکھنے والے کالعدم تنظیم کے گرفتار دہشت گردوں کے تہلکہ خیز انکشافات اور اعترافات سامنے آجانے کے باوجود بھی مرکزی صدر اہل سنت والجماعت پاکستان علامہ اورنگزیب فاروقی کو فول پروف سیکیورٹی فراہم نہ کرنا تشویشناک ہے ، ، حساس ادارے واقف ہیں کہ ان کی زندگی کو شدید خطرہ لاحق ہے ، پڑوسی ملک کی ایماء پر دہشت گرد کسی بھی وقت علامہ فاروقی کو نشانہ بنا سکتے ہیں ان خیالات کا اظہار صدر اہل سنت والجماعت کراچی علامہ رب نواز حنفی نے مرکز اہل سنت میں شوری کے اہم اجلاس کے دوران ذمہ داران سے گفتگو کرتے ہوئے کیا انہوں نے کہا کہ علامہ اورنگزیب فاروقی پاکستان کی سب سے بڑی مذہبی جماعت کے صدر ہونے کی حیثیت سے ایک اہم ترین مذہبی اور قومی رہنماء ہیں،اہل سنت و الجماعت کے لاکھوں کی تعداد میں کارکنان ان کی مٹھی میں بند ہیں جبکہ امت مسلمہ کی اکثریت انہیں اپنا پیشوا سمجھتی ہے انہیں سیکورٹی فراہم نہ کرنا دہشت گردوں کے رحم و کرم پر چھوڑنے کے مترادف ہے لہذاوفاقی اور صوبائی حکومتیں معاملہ کی سنجیدگی کو مدنظر رکھتے ہوئے انہیں فول پروف سیکیورٹی فراہم کریں، باربار رابطوں اور مطالبوں کے باجود علامہ اورنگزیب فاروقی کو سیکیورٹی فراہم نہ کی گئی تو سڑکوں پر آنے پرمجبور ہونگے۔