جمعرات‬‮ ، 19 مارچ‬‮ 2026 

شہبازشریف کا دورہ چین، پاکستان میں قیام کیسا رہا؟چینی سرمایہ کاروں نے اپنے تجربات سے کانفرنس کے شرکاء کو آگاہ کیا

datetime 27  جولائی  2016 |

لاہور ( این این آئی) وزیراعلیٰ پنجاب محمد شہبازشریف نے چین کے شہر جنان میں’’پنجاب شین ڈونگ بزنس کانفرنس‘‘ کے دوران پاکستان خصوصاً پنجاب میں کام کرنے والی چینی کمپنیوں کے اعلی حکام اورسرمایہ کاروں کو سٹیج پر آ کر اپنے تجربات شیئر کرنے کی دعوت دی اورکہاکہ آپ چینی زبان میں پوری دیانتداری کیساتھ بغیر لگی لپٹی اپنے تجربات کانفرنس کے شرکاء کیساتھ شیئر کریں۔وزیراعلیٰ نے کہا کہ میری چینی سرمایہ کاروں اور صنعتکاروں سے درخواست ہے کہ وہ پاکستان خصوصاً پنجاب میں کام کرنے والے چینی کمپنیوں کے حکام کی بات سن کر فیصلہ کریں اور جو بھی فیصلہ کرنا ہے، وہ فوری طور پر کریں۔ وزیراعلیٰ کی دعوت پر پاکستان خصوصاً پنجاب میں مختلف منصوبوں پر کام کرنے والے چینی سرمایہ کاروں اور حکام نے کانفرنس کے شرکاء کیساتھ اپنے تجربات شےئر کرتے ہوئے بتایاکہ پاکستان خصوصاً پنجاب میں ہمیں کام کرنے کا بہترین تجربہ ہوا ہے اور پنجاب میں ہر سطح پر تمام ضروری سہولتیں ترجیحی بنیادوں پر فراہم کی گئی ہیں۔وزیراعلیٰ شہبازشریف، ان کی ٹیم، سیاستدانوں اور بیوروکریٹس نے ہرممکن تعاون کیا ہے۔ پنجاب چین کے سرمایہ کاروں کیلئے انتہائی پرکشش صوبہ ہے اور یہاں سرمایہ کاری کیلئے زبردست ماحول موجود ہے اوروزیراعلیٰ شہبازشریف نے سکیورٹی کے حوالے سے بھی انتہائی شاندار اقدامات کیے ہیں ۔وزیراعلیٰ نے کانفرنس کے دوران پنجاب میں کام کرنیوالے چینی سرمایہ کاروں کے تجربات کو انتہائی حوصلہ افزا قراردیتے ہوئے کہا کہ پاکستان میں بہترین کام کرنیوالی چینی کمپنی کے سربراہ کو وفاقی حکومت سے تمغہ کارکردگی دینے کی سفارش کروں گا۔

آج کی سب سے زیادہ پڑھی جانے والی خبریں


کالم



مذہب کی جنگ(پانچواں حصہ)


برطانیہ نے دوسری جنگ عظیم کے بعد دنیا میں دو خطے…

مذہب کی جنگ(چوتھا حصہ)

یہودیوں اور مسلمانوں کے درمیان اختلاف واقعہ…

مذہبی جنگ(تیسرا حصہ)

بخت نصر نے 586 قبل مسیح میں یروشلم پر حملہ کر کے…

مذہبی جنگ(دوسرا حصہ)

بنی اسرائیل نے فلسطین واپسی کے بعد یہودا قبیلے…

مذہبی جنگ

رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…

امانت خان شیرازی

بادشاہ اس وقت برہان پور میں تھا‘ مغل دور میں…

ہائوس آف شریف

جنرل غلام جیلانی نے جنرل ضیاء الحق کو آرمی چیف…

نواز شریف کی سیاست میں انٹری

لارنس گارڈن کے کرکٹ گرائونڈ میں میچ چل رہا تھا‘…