فیصل آباد(مانیٹرنگ ڈیسک )سٹی ٹریفک پولیس کی جانب سے رنگدارشیشوں ،سبز نمبر پلیٹ اور غیر نمونہ نمبر پلیٹس کی حامل گاڑیوں کے خلاف گرینڈ کریک ڈاؤن جاری ہے 380غیر نمونہ نمبر پلیٹ ،19رنگدار شیشے اور 10غیر قانونی نمبر پلیٹس والی گاڑیوں کو ٹریفک وارڈنز نے ایک ہی روز میں 87ہزار 500روپے کے بھاری جرمانہ جات کر دئیے ٹریفک قوانین کی خلاف ورزی سمیت امن و امان کی صورت کے پیش نظر بھی رنگدار شیشوں ، سبز نمبر پلیٹ اور غیر نمونہ نمبر پلیٹ والی گاڑیوں کے خلاف کارروائی جاری رکھی جائے ان خیالات کا اظہار چیف ٹریفک آفیسر عارف شہباز خان وزیر نے کارکردگی کا جا ئزہ لیتے ہوئے کیا اس موقع پر انہوں نے مزید کہا کہ کارروائی کو جاری رکھا جائے سی ٹی او نے شہریوں سے استدعا کی ہے کہ وہ رنگدار شیشوں ، سبز نمبر پلیٹ اور غیر نمونہ نمبر پلیٹ والی گاڑیوں کو ہرگز نہ چلائیں اور قانون کے مطابق نمبر پلیٹ اور شیشوں کا استعمال کریں۔

موضوعات:کار