دبئی( آئی این پی ) پاکستان پیپلز پارٹی کی اعلی قیادت نے وزیراعلیٰ سندھ سید قائم علی شاہ کو تبدیل کرنے کا حتمی فیصلہ کرلیا، صوبائی کابینہ میں بھی ردوبدل کیا جائے گا، بلاول بھٹو اگلے ہفتے کراچی واپس آئیں گے جہاں وہ پارٹی کی صوبائی قیادت اور ارکان سندھ اسمبلی سے ملاقات کریں گے جس کے بعد نئے وزیراعلی اور سندھ کابینہ کے نئے ناموں کو حتمی شکل دی جائے گی۔تفصیلات کے مطابق اتوار کو دبئی میں پاکستان پیپلزپارٹی کے شریک چیئرمین آصف علی زراری کی زیر صدارت پارٹی کا اعلی سطحی اجلاس ہوا جس میں وزیراعلی سندھ کی تبدیلی ، رینجرز کے قیام و اختیارات اور پانامہ لیکس سمیت مختلف امور پر تبادلہ خیال کیا گیا ۔ اجلاس کے بعد جاری اعلامیہ میں کہا گیا ہے کہ سندھ میں نیا وزیراعلی لایا جائے گا۔صوبائی کابینہ میں بھی ردوبدل کیا جائے گا، بلاول بھٹو اگلے ہفتے کراچی واپس آئیں گے جہاں وہ پارٹی کی صوبائی قیادت اور ارکان سندھ اسمبلی سے ملاقات کریں گے جس کے بعد نئے وزیراعلی اور سندھ کابینہ کے نئے ناموں کو حتمی شکل دی جائے گی۔اجلاس میں سابق صدر آصف علی زرداری، پارٹی چیئرمین بلاول بھٹو زرداری، فریال تالپور، وزیر اعلیٰ سندھ سید قائم علی شاہ ، وزیر خزانہ سندھ مراد علی شاہ ، سینیٹر لطیف کھوسہ اور مشیر قانون مرتضیٰ وہاب سمیت دیگر رہنماؤں نے شرکت کی ۔ مشیر قانون مرتضیٰ وہاب نے اجلاس کو تفصیلی بریفنگ دی ۔ اجلاس میں آزاد کشمیر میں پیپلز پارٹی کی شکست کے متعلق بھی غورو فکر کیا گیا ۔ پیپلز پارٹی نے عمران خان کی حکومت مخالف تحریک سے بھی لاتعلقی کا فیصلہ کیا گیا۔ اجلاس میں آزاد کشمیر میں تنظیمی تبدیلی کا فیصلہ بھی کیا گیا ۔ملک بھر میں بھی جلد از جلد ہنگامی بنیادوں پر تنظیم سازی کرنے کا فیصلہ کیا گیا ۔دوسری جانب ایک نجی ٹی وی نے دعویٰ کیا ہے کہ پاکستان پیپلز پارٹی نے قائم علی شاہ کی جگہ سندھ کے وزیرخزانہ سید مراد علی شاہ کو نیا وزیراعلی نامزد کر دیا ہے۔ اس کا فیصلہ دبئی میں پارٹی کے اعلی اجلاس میں کیا گیا۔ مراد علی شاہ کو نیا وزیراعلی نامزد کرنے کا فیصلہ زرداری اور بلاول بھٹو نے متفقہ طور پر کیا۔ ذرائع کے مطابق بلاول بھٹو اگلے ہفتے کراچی واپس آکر صوبائی قیادت اور ارکان اسمبلی سے مشاورت کر کے نئی کابینہ کا اعلان کرینگے۔
’’سائیں‘‘کی چھٹی،سندھ میں تبدیلی آگئی،آصف علی زراری کی زیر صدارت اجلاس میں فیصلے
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بجٹ میں تنخواہوں اور پنشن میں اضافے کے بعد سرکاری ملازمین کے لیے ایک اور بڑی خوشخبری
-
اواتار مائونٹین
-
خام تیل کی قیمتوں میں مزید کمی، پاکستان میں پیٹرولیم مصنوعات کتنی سستی ہوسکتی ہیں؟
-
یکم جولائی کے بعد پاسپورٹ دفاتر جانے والوں کے لیے بڑا اعلان
-
پی ٹی اے نے موبائل فون صارفین کو خبردار کردیا
-
سونے کی قیمت میں بڑی کمی
-
شہباز شریف نےصدر زرداری کو چھتری دینے سے انکار کر دیا، نور خان ائیر بیس پر دلچسپ صورتحال
-
3 روزہ تعطیلات کا اعلان
-
جون میں سونے کی قیمت میں حیران کن کمی
-
بھارتی شہری کوایئرلائن کی میزبان سے چھیڑچھاڑ مہنگی پڑ گئی
-
عالمی منڈی میں خام تیل کی قیمت میں مزید کمی
-
سرگودھا میں شہریوں نے کمسن بچی کے قاتل کو قبرستانوں میں دفنانے کی اجازت نہ دی
-
سلمان خان کی24 سال قبل دیا مرزا سے کی گئی انوکھی پیشگوئی
-
اسلام آباد انٹرنیشنل ایئرپورٹ کی تاریخ میں پہلی بار رن وے پر مسافروں کا دھرنا



















































