اسلام آباد /ملتان(آئی این پی)فیس بک پرکشمیریوں کے حق میں آواز اٹھانے والے مزید ہزاروں پاکستانی شہریوں کے اکاونٹس اور پیجز بھی بلاک کردئیے گئے۔کشمیری حریت پسند برہان وانی کے حق میں پوسٹ کرنے پر فیس بک انتظامیہ نے پاکستانی اداکار حمزہ علی عباسی کا پیج بھی تین روز کیلئے بلاک کردیا۔سوشل میڈیاماہرین نے انکشاف کیا ہے کہ سماجی رابطے کی ویب سائٹ فیس بک کا ریجنل ہیڈکوارٹر بھارتی شہر حیدرآباد دکن میں ہونے کی وجہ سے بھارتی دبا? پر کشمیر سے متعلقہ مواد سنسرکیا جارہا ہے۔تفصیلات کے مطابق سماجی رابطے کی ویب سائٹ فیس بک کا دہرا معیار سامنے آگیا۔فیس بک نے کشمیرمیں بھارتی مظالم کیخلاف آواز اٹھانے پرمزید ہزاروں پاکستانی شہریوں کے اکاونٹس اور پیجز بلاک کردئیے۔سوشل میڈیا صارفین نے فیس بک کے اس متعصبانہ اقدام پر شدید احتجاج کیا ہے۔اس سے قبل سماجی رابطے کی ویب سائٹ ٹوئیٹرکی انتظامیہ نے بھی بھارتی دباؤ پر کشمیر یوں کیلئے آوازاٹھانے پرحافظ محمدسعید کا ٹوئیٹراکاونٹ بلاک کردیا تھا۔دوسری طرف سوشل میڈیا سے منسلک ماہرین کا کہنا ہے کہ سماجی رابطے کی ویب سائٹ فیس بک کا سا?تھ ایشیاء4 ریجنل ہیڈ کوارٹر بھارت کے شہرحیدرآباد دکن میں ہے۔بھارتی شہریوں کی ایک بڑی تعداد آئی ٹی انڈسٹری سے منسلک ہے۔یہی وجہ ہے کہ سماجی رابطوں کی ویب سائٹس پر بھارتی اثرورسوخ بہت نمایاں ہے۔فیس بک،ٹوئیٹر اور دیگر سماجی رابطوں کی ویب سائٹس کی طرف سے کئے گئے حالیہ اقدامات بھارتی دبا? کا نتیجہ ہیں۔