پشاور(نیوز ڈیسک) خیبرپختونخوا میں حکمران جماعت پاکستان تحریک انصاف کے ارکان میں پھوٹ پڑ گئی ، نیا گروپ کھل کر سامنے آ گیا۔ نجی ٹی وی کے مطابق پشاورمیں صوبائی وزیر یاسین خلیل کی رہائشگاہ پر ناراض ارکان کی میٹنگ ہوئی جس میں انہوں نے صوبائی حکومت کو آڑے ہاتھوں لیا۔ میٹنگ میں ایم این ایز میں کرنل (ر) امیر محمد ، ایم این اے ساجد نواز ،داوڑ خان کنڈی، جنید اکبر، خیال زمان جبکہ ایم پی ایز میں امجد آفریدی، قربان علی،بابر سلیم اور وزیر اعلیٰ کے مشیر شکیل خان اور عبدالحق شامل تھے۔ میٹنگ میں من پسند افراد کو نوازے جانے پر وزیراعلیٰ پرویزخٹک پر شدید تنقید کی گئی۔ ارکان اسمبلی نے وزیر اعلیٰ کے بیٹے کی جانب سے حکومتی معاملات میں مداخلت پر بھی تشویش کا اظہار کیا۔ ناراض ایم پی ایز اور ایم این ایز نے حکومت پر دباؤ بڑھانے اور کپتان کو اصل صورتحال سے آگاہ کرنے کیلئے مشترکہ لائحہ عمل بنانے پر بھی اتفاق کیا۔