سانگھڑ(این این آئی) رینجرز کی جانب سے کراچی کے داخلی راستوں اور وی ای پیز سیکیوریٹی سے پولیس فورس واپس بلائے جانے کے بعد آئی جی سندھ نے اس کمی کو پورا کرنے کے لیئے سندھ کے تمام اضلا ع سے پولیس فورس کراچی طلب کر لی ہے جس کے بعد سانگھڑ سمیت اندرون سندھ کے اضلاع سے پولیس فورس کی کراچی روانگی کا عمل شروع ہو گیا ہے کراچی بھیجے جانے والی اس پولیس فورس میں وہ پولیس اہلکار بھی شامل ہیں جوضلع سانگھڑ کے 28 تھانوں میں ڈیوٹیاں انجام دے رہے تھے اندرون سندھ کے اضلاع میں پولیس فورس کی پہلے ہی کمی پائی جاتی ہے اور موجودہ دستیاب فورسز تھانوں کے علاوہ اہم مقامات اور VIPS کی ڈیوٹیوں پر تعینات ہیں لہذا پولیس فورس کی کراچی روانگی سے اندرون سندھ کے اضلاع میں پولیس فورس کی کم تعداد میں مزید کمی پیش آئے گی جس سے اندرون سندھ میں امن و امان کی صورتحال پر منفی اثرات مرتب ہو سکتے ہیں کراچی روانہ ہونے والے پولیس اہلکاروں میں ایسے پولیس اہلکار بھی شامل ہیں جو ہیپا ٹائیٹس سمیت متعدد موذی امراض میں مبتلاء اور ریٹائرمینٹ کے قریب ہیں جن کا کہنا ہے کہ انہیں تھانوں کے منشی حضرات کو نذرانہ نہ دینے کی پاداش میں انکی بیماریوں اور بزرگی کا خیال کیئے بغیر ڈیوٹی پر کراچی بھیجا جا رہاہے ذرائع کا کہنا ہے کہ کراچی میں رینجرز کی کمی کو پورا کرنے کے لیے ضلع سانگھڑ کے تمام تعلقوں کے علاوہ پولیس ٹریننگ کالج شہدادپور اور پولیس ٹریننگ سینٹر جام نواز علی سے بھی پولیس فورس کراچی روانہ کی جارہی ہے جن میں عام پولیس اہلکاروں کے علاوہ پولیس کمانڈوز بھی شامل ہیں۔