منگل‬‮ ، 17 مارچ‬‮ 2026 

کراچی کے 3مختلف مقامات پر پراسرار آتشزدگی، حیرت انگیز انکشاف

datetime 24  جون‬‮  2016 |
کراچی(این این آئی)کراچی کے 3مختلف مقامات پر پراسرار آتشزدگی، حیرت انگیز انکشاف،واقعات کے پیچھے سازش نظر آنے لگی،شہر کے مختلف مقامات پر فیکٹریوں اور گوداموں میں لگنے والی پراسرار آتشزدگی نے فائر ٹینڈرز کی دوڑیں لگوادیں جب کہ وزیراعلی سندھ قائم علی شاہ نے آگ لگنے کے پے درپے واقعات پر تشویش کا اظہار کیا ہے۔تفصیلات کے مطابق کراچی کے علاقے گلبائی میں وسیع رقبے پر پھیلے ہوئے ٹائروں کے گودام میں لگنے والی آگ نے دیکھتے ہی دیکھتے اس قدر شدت اختیار کر لی کہ اسے تیسرے درجے کی قرار دے دیا گیا، آگ لگنے سے آسمان پر کالے دھویں کے بادل چھا گئے تاہم گودام میں کام کرنے والے ملازمین کو بحفاظت باہر نکال لیا گیا۔ آگ لگنے کی وجوہات معلوم نہیں ہو سکیں لیکن اسے بجھانے کے لئے شہر بھر کے فائر ٹینڈرز کے ساتھ پاکستان نیوی اور ایئرفورس کے فائر ٹینڈرز سے بھی مدد طلب کر لی گئی ہے۔قبل ازیں سائٹ ایریا میں حبیب بینک چورنگی کے قریب واقع فیکٹری میں لگنے والی آگ نے اس وقت شدت اختیار کی جب گودام میں موجود گیس پائپ لائن پھٹ گئی جس نے دیکھتے ہی دیکھتے اوپر والی منزل کو بھی اپنی لپیٹ میں لے لیا۔ فائر بریگیڈ حکام نے آگ کو تیسرے درجے کی قرار دے کر شہر بھر سے فائر ٹینڈرز کو طلب کرکیا اور کئی گھنٹوں کی جدوجہد کے بعد آگ پر قابو پایا گیا ۔ اس کے علاوہ شیرشاہ میں بھی دوائیوں کے ایک گودام میں آگ بھڑک اٹھی جس پر فائر بریگیڈ کے عملے نے قابو پایا۔وزیراعلی سندھ سدی قائم علی شاہ نے کراچی کے مختلف مقامات پر آگ لگنے کے واقعات کا نوٹس لیتے ہوئے کمشنر کراچی کو ٹیلی فون کر کے تشویش کا اظہار کیا ہے اور انھیں آگ بجھانے کے لئے فوری اقدامات کرنے کے احکامات جاری کرتے ہوئے ان واقعات کی تفصیلی رپورٹ طلب کر لی ہے۔

آج کی سب سے زیادہ پڑھی جانے والی خبریں


کالم



مذہب کی جنگ(چوتھا حصہ)


یہودیوں اور مسلمانوں کے درمیان اختلاف واقعہ…

مذہبی جنگ(تیسرا حصہ)

بخت نصر نے 586 قبل مسیح میں یروشلم پر حملہ کر کے…

مذہبی جنگ(دوسرا حصہ)

بنی اسرائیل نے فلسطین واپسی کے بعد یہودا قبیلے…

مذہبی جنگ

رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…

امانت خان شیرازی

بادشاہ اس وقت برہان پور میں تھا‘ مغل دور میں…

ہائوس آف شریف

جنرل غلام جیلانی نے جنرل ضیاء الحق کو آرمی چیف…

نواز شریف کی سیاست میں انٹری

لارنس گارڈن کے کرکٹ گرائونڈ میں میچ چل رہا تھا‘…

چوہے کھانا بند کریں

ہندوستان کا کوئی شہزادہ مہاتما بودھ کے پاس گیا…