دبئی (این این آئی)دبئی سے کراچی آنے والے مسافر کوایئر ہوسٹس کی ویڈیو بنانے پررنگے ہاتھوں پکڑاگیا۔میڈیا رپورٹس کے مطابق دبئی سے کراچی آنے والا ذاکر نامی مسافر دوران پروازاپنے موبائل فون پر ایئر ہوسٹس کی ویڈیو بناتے ہوئے پکڑا گیا ٗایئرہوسٹس نے مسافر کو ویڈیو بناتے ہوئے دیکھا تو ایئر لائن کے سکیورٹی افسر کو شکایت کردی جس کے بعد سکیورٹی حکام نے مسافرکا موبائل فون اپنے قبضے میں لے لیا ۔سوشل میڈیا سامنے آنیوالی ویڈیو میں دیکھا گیا کہ سکیورٹی ادارے کے اہلکار نے مسافر سے پاسپورٹ طلب کیا مگر مسافر نے پاسپورٹ فراہم کرنے سے معذرت کرلی جس پر افسر نے کہا کہ ہمارے پاس بورڈنگ نمبر موجود ہے جس کے ذریعے پاسپورٹ کی تمام تفصیلات حاصل کی جائیں گی ۔ افسر کے مطابق بغیر پوچھے کسی کی تصویر یا ویڈیو بنانے پر 18ماہ قید اور 5لاکھ روپے جرمانہ ہو سکتا ہے جس پر مسافر نے شرمناک حرکت کرنے پر معزرت کر لی تاہم افسر نے بتایاکہ آپکا پاسپورٹ نمبر ایف آئی اے امیگریشن کے پاس جمع ہو گا جو بلیک لسٹ ہونے کے بعد وہ کبھی دوبارہ دبئی نہیں آسکے گا ۔